މައްސަލަތައް:

·     ނޫސްވެރިން ދުވަހުން ދުވަހަށް ކުރާ މަސައްކަތުގައި އެންމެ ގިނައިން މުއާމަލާތުކުރަންޖެހޭ އެއްބަޔަކީ ފުލުހުން.

·     މަރުގެ މައްސަލަތަކުން ފެށިގެންގޮސް މާރާމާރީއާއި މަސްތުވާތަކެއްޗާއި ދޭދޭ ފަރުދުންގެ މެދުގައި ހިނގާ ހަމަނުޖެހުންތަކުގެ ހަބަރުތައް ކަވަރުކުރާއިރު އެޚަބަރުތައް ފުރިހަމަވަނީ ފުލުހުންގެ ފަރާތުން ލިބޭ މައުލޫމާތުތައް ހިމަނައިގެން.

·     ގުދުރަތީ ކާރިސާތަކާ އެހެންވެސް ހާދިސާތަކުގެ ހަބަރުތަކުގައިވެސް މިކަން އޮތީ މިހެން. އެހެންކަމުން ފުލުހުންގެ ފަރާތުން ނޫސްވެރިންނަށް ލިބެންޖެހޭ އެއްބާރުލުން އެންމެ ފުރިހަމަ ގޮތުގައި ނުލިބުމަކީ ނޫސްވެރިންގެ މަސައްކަތަށް ކުރިމަތިވާ ވަރަށްބޮޑު ހުރަހެއް.

·     މުޒާހަރާތައްފަދަ ހަރަކާތްތައް ކަވަރު ކުރާއިރު ނޫސްވެރިންނަށް ހުރަސްއެޅުން.

·     ކެމެރާއާއި އިކުއިޕްމަންޓް އަތުލައި ފޮޓޯއާއި ވީޑިއޯ ޑިލީޓްކުރުން.

·     ޤާނޫނަކުން މަނާ ނުކުރާ ބައެއް ކަންކަން ކުރުމާއި ކަވަރު ކުރުމަށް ހުރަސްއެޅުން.

·     ޤާނޫނީ އެއްވެސް ސަބަބެއްނެތި ނޫސްވެރިން ހައްޔަރު ކުރުން.

·     ހައްޔަރު ކުރާ ނޫސްވެރިޔާއާ ބެހޭ މައުލޫމާތު ހާމަނުކޮށް ލަސްކުރުން.

·     ދައުވާކުރެވޭވަރުގެ ހެއްކެއްނެތި ފުލުހުންގެ ކުށުގެ ރިކޯޑުގައި ނޫސްވެރިން ހިމެނުން.

·     މުޒާހަރާތައް ކަވަރުކުރުމުގައި ފުރުޞަތު ހަނިކުރުން.

·     ފުލުހުންގެ ދައުރަށް ހުރަސްއެޅުމަކީ ކޮބައިކަން ސާފުކޮށް އެގެން ނެތުން.

މައުލޫމާތު ހޯދާ ލިބިގަތުމުގައި ދިމާވާ ދަތިތައް:

·     ދުވަހުން ދުވަހަށްހިނގާ ހާދިސާތަކުގެ ފުރުހަމަ މައުލޫމާތު ދިނުމުގައި ކަމާގުޅޭ ފުލުހުންގެ ޑިޕާޓްމަންޓްތަކުން  ލަސްވުން.

·     ބޮޑެތި  ކާރިސާތަކާގުޅޭ އަޕްޑޭޓް މައުލޫމާތު ނުލިބުން.

·     ޓެރަރިޒަމް/މާރާމާރީ/ވައްކަމާއި ފޭރުން/މަސްތުވާތަކެތި ފަދަ ބޮޑެތި މައްސަލަތަކުގައި މައްސަލަތަކުގެ މައުލޫމާތު ހާމަކުރުމަށް ފުލުހުން އިސްނުނެގުން.

·     މައުލޫމާތު ހާމަކުރުމުގައި މީޑިއާ ތަކުގެ މެދުގައި ތަފާތުކުރުން.

·     ބައެއް ވަގުތުތަކުގައި ފުލުހުންގެ މީޑިއާއިން ފޯނަށް ޖަވާބު ނުދިނުން.

ހައްލު:

·     ދިމާވާ ހާދިސާތަކާ ގުޅޭ މައުލޫމާތު ލިބޭނެ 24 ގަޑިއިރުގެ ނިޒާމެއް ގާއިމުކުރުން.

·     ޤާނޫނާ ހިލާފު ނުވާނަމަ އެއްވެސް  ހާލަތެއްގައި ނޫސްވެރިންނަށް ހުރަސް ނޭޅުން.

·     އާއްމުކޮށް ދިމާވާއެކި ހާލަތްތަކުގައި ފުލުހުންގެވާޖިބަށް ނުވަތަ މަސްއޫލިއްޔަތަށް ހުރަސްއެޅޭ ގޮތާއި މިންވަރު  ތަފްސީލްކޮށް މީޑިއާތަކަށް ދުރާލާ އަންގާފައި  ބޭއްވުން.

·     ބޮޑެތި މައްސަލަތަކުގައި ކޮމިޝަނާރ އޮފް ޕޮލިސް ޕްރެސް ކޮންފަރެންސް ބޭއްވުން.

·     އާއްމުކޮށް މައުލުމާތާއި ޕްރެސް ކޮންފަރެންސް ނުވަތަ ޕްރެސް ރިލީސް ފޯރުކޮށްދިނުމުގައި ހުރިހާ މީޑިއާއެއް ހަމަހަމަ ކުރުން.

·     ޕްރެސް ކޮންފަރެންސްގެނަމުގައި ބާއްވާ ކޮންމެ އިވެންޓެއްގައި ސުވާލުކުރުމުގެ ފުރުޞަތު ނޫސްވެރިން ނަށްދިނުން.

·     ވަކިކަމަކާ ގުޅޭ ޕްރެސް ކޮންފަރެންސް އެއްބާއްވާނަމަ އެކަމާ ގުޅޭ ޑިޕާޓްމަންޓުން ބައިވެރިވުން.

·     ފްރޮންޓް ލައިންގައި މަސައްކަތްކުރާ ފުލުހުންނަށް ނޫސްވެރިކަމާއި ނޫސްވެރިން މަސައްކަތްކުރާ ގޮތުގެ މައުލޫމާތު ދިނުން.

·     ދިމާވާހާދިސާތަކާ އެކި ހާލަތްތަކުގައި ނޫސްވެރިންގެ އިކުއިޕްމަންޓްތަކަށް ރައްކާތެރިވުން.

·     ގައުމީ ސަލާމަތަށް ނުރައްކާވާތީ ނުވަތަ އެނޫންވެސް އެފަދަ ސަބަބަކާ ހުރެ މައުލޫމާތެއް ހާމަނުކޮށް ސިއްރުކުރާނަމަ ނުވަތަ އެއްވެސް ނިއުސް ކަވަރޭޖަކަށް ހުރަސް އަޅަން ޖެހޭނަމަ އެކަމުގެ ސަބަބު ހާމަކުރުން.